O laboratorio do doutor nogueira

Devorar O laboratorio do doutor Nogueira e empezar a escribir: velaquí dúas operacións que se poden facer no mesmo día e que, de feito, eu estou a levar a cabo, consciente de que as présas nunca foron boas compañeiras da reflexión, pero tamén convencido de que, onde fala o entusiasmo, sempre hai moito de boa e fiel verdade. Se -como é o caso- estamos a referirnos ó ámbito da lectura, e un libro foi quen de mover tales paixóns, de prender a atención de tal maneira dende a primeira páxina ata esta engadida que eu agora estou a escribir, é que, cando menos, detrás ou dentro da obra en cuestión hai mestría na arte de narrar.